Umuyobozi w’abaganga batagira umupaka muri Repubulika Iharanira Demokarasi ya Congo, Karel Janssen yabwiye BBC ko mu ntara 26 zigize Congo, 23 zibasiwe n’icyorezo cy’iseru, dore ko kuva uyu mwaka wa 2019 watangira, indwara y’iseru imaze guhitana abana basaga 2700, kandi uyu muganga ashimangira ko nta kidasanzwe icyo gihugu kiri gukora ngo gihagarike icyo cyorezo.
Mu bituma icyo cyorezo gikomeza gukomera, Janssen yavuze ko harimo kutagira inkingo zihagije, isuku nke, amakimbirane ateza umutekano muke abaturage bagahunga n’ibindi. Yavuze ko ubusanzwe iseru itakabaye icyorezo, uretse iyo hajemo uburangare bwo kutayitaho.
Muri Miliyoni 8,9 z’amadolari zikenewe ngo bahangane n’icyo cyorezo, hamaze kuboneka miliyoni 2,5 z’amadolari.
Umuryango w’abaganga batagira umupaka umaze gukingira abana 474,863, wanavuye abarwayi 27,439 nk’uko BBC yabitangaje.
Guhera muri Mutarama kugeza muri Kanama uyu mwaka 2019, abana basaga 2700 bamaze kwica n’iseru, ukaba ari umubare munini ugereranyije n’abamaze kwica na Ebola muri icyo gihugu guhera umwaka ushize.
TUYISHIME Eric
